Vintercruise til Geirangerfjorden frå Ålesund (Rundtur)

Telefon: +47 70 26 30 07
E-post: booking@visitgeiranger.com
Nettside: <a class="page-product__contact-link" href="http://www.visitgeiranger.com/vinter-fjord-cruise" target="_blank">http://www.visitgeiranger.com/vinter-fjord-cruise

SIGHTSEEING

Bli med Geiranger Fjordservice på ein uforgløymeleg dagstur med båt til det vakre fjordlandskapet i verdsarvområdet Geirangerfjorden.

På denne båtturen kan du nyte mektig og fredfull nærkontakt med rein og barsk natur, eit landskap som til tider er dekt av snø og is, eller ein kan skimte fargane når våren kjem. Turen blir guida av ein Fjord Ranger frå verdsarvsenteret i Geiranger. Og du har 2 1/2 time i Geiranger med opplevingar.

Om båtturen

Turen går med ein moderne fjordbåt ut frå dei smale sunda i jugendstilbyen Ålesund, og inn mot hjartet av UNESCO-området Geiranger. Medan du set komfortabelt i båten får du oppleve korleis stemninga skiftar etterkvart som landskapet forandrar seg. Frå det opne ved kysten til det dramatiske og meir mystiske lenger inne i fjorden. Båten køyrer forbi dei velkjende fossane Friaren og Dei sju Systre, og du vil her få anledning til å ta bilder.

Merk at i perioden 01.01-31.03 2026 så vil båten gå til Eidsdal , og turen går vidare med buss via Ørnevegen og Ørnesvingen ned til Geiranger. Dette grunna krav om nullutslepp i Geirangerfjorden, og til alle fasilitetar er på plass. Programmet elles i Geiranger er uendra.

Aktivitetar

I Geiranger blir du frakta med buss til det spektakulære utkikspunktet Flydalsjuvet , der du får anledning til å ta ikoniske bilete av fjorden og Geiranger. Det blir så eit besøk på Norsk Fjordsenter som er eit spennande besøks- og formidlingssenter for Vestnorsk Fjordlandskap og for Geirangerfjorden verdsarvområde. Den som vil kan så gå tilbake til båten etterpå, ned Fosseråsa (327 trappetrinn) langs den praktfulle elva.