Vandretur med guide i Reinheimen Nasjonalpark

Bli med Ræin Adventures ei helg i Reinheimen Nasjonalpark og gå ein skreddersydd tur fra hytte til hytte.

Denne helgevandringa er ein personleg og skreddarsydd 3-dagars hytte-til-hytte-tur med alt inkludert. Du overnattar i sjølvbetjeningshytter med senger, og kan lage mat frå proviantlageret i kvar hytte. Det betyr at du berre treng å bere ein dagstursekk med toalettsaker og sovelaken. Lette sekkar og dagsetappar på 10–15 km gjer at du verkeleg får nyte fjellturen mellom hyttene.

Ræin Adventures har planlagt ruta som ein rundtur – du startar og endar omtrent på same stad, utan å måtte gå same strekninga to gonger. Frå frodige dalar til høgfjellsterreng – den høgaste hytta du overnattar i ligg på 1400 moh, med utsikt mot isbrear!

Kven passar turen for?

Denne turen passar for deg som vil oppleve norsk villmark på nært hald! Turen er totalt 35 km og blir fordelt over tre dagar. Deltakarane må kunne bere eigen sekk og vere i stand til å gå i 5–6 timar kvar dag. Ræin tilrår sterkt å følgje pakkelista for å halde vekta på sekken nede. Du treng ikkje bere mat – berre snacks og vatn undervegs. Aldersgrensa er 13 år i følge med ein vaksen.

Praktisk informasjon

Gå inn på nettsida deira for detaljert informasjon om kva som er inkludert – og ikkje minst ei grundig pakkeliste med mange gode tips!