Topptur for nybegynnere med guide

Kurset for deg som vil lære meir om topptur på ski. Ein erfaren guide vil lose deg gjennom 2 dagar med nyttig informasjon og dele av sin kunnskap.

Introduksjonskurs i topptur og skredtryggleik

Dette kurset gir ei innføring i grunnleggjande ferdigheiter for å ferdast trygt i fjellet med toppturski eller splitboard. Du lærer korleis utstyret fungerer, teknikkar for motbakkegange og grunnleggjande skredtryggleik.

Innhald i kurset:

- Gjennomgang av nødvendig toppturutstyr (ski, feller, stavar, støvlar)

- Skredutstyr: kva du treng og korleis du brukar det

- Kameratredning

- Skiteknikk og ruteval

- Grunnleggjande skredkunnskap

Kven passar kurset for?

Kurset passar for deg som har god skiferdigheit frå før og ynskjer å prøve topptur. Det vert ikkje fokusert på lange turar med mykje høgdemeter, men heller på å lære å bruke utstyret og grunnleggjande ferdigheiter for trygg ferdsel i fjellet. Vi legg likevel opp til å få nokre fine svingar!

Praktisk informasjon

Kurset går føre seg i området Valldal-Stordal, under ein time frå Ålesund, og varer ca. 6 timar per dag. Både skikøyrarar og splitboardarar er velkomne!

Er du usikker på om dette kurset passar for deg? Ta kontakt med Ræin for ein uforpliktande prat.