Guida tur til Runde Fyr

På ein guida fjelltur til Runde fyr fortel naturrettleiaren frå Runde Miljøsenter historiar frå øya, eit fantastisk skattefunn og naturkunnskap frå Runde.

Det er noko beundringsverdig med fyrtårn, kva historier er det eigentleg dei gøymer?

På turen til Runde Fyr fortel vår naturrettleiar historier frå øya, om funnet av ein tapt gullskatt og den unike naturen på Runde. Du får eit djupdykk i fyrhistorie og naturkunnskap frå øya. Turen startar med oppmøte på Runde Miljøsenter. Inne på senteret får du ei omvising i utstillinga der naturrettleiaren fortel om fuglane, kystøkologi og om ein eventyrleg gullskatt som blei funne like ved fyret.

Opplev stupbratte sjøklipper og Runde fyr

Ute vil du få oppleve dei stupbratte klippane, du får sjå hekkeplassane til sjøfuglane som bur på øya og sjå det fantastiske fyret.

Undervegs vil det bli fortalt historier om fyrvaktarane og fyrbyggjarane frå Sunnmøre. Vi nyt lunsjen med havutsikt før turen går heimatt. Om du vil høyre dei fantastiske historiene, og samtidig få sjå dei finaste plassane på Runde er dette turen for deg.

Inkludert i opplevinga er

- Guida tur med naturrettleiar

- Nistepakke til lunsj og varm drikke

- Guiding på Norsk og Engelsk

Fakta om turen

- Høgde over havet: 300 meter

- Stigning: 600 høgdemeter

- Avstand: 8 kilometer (rundtur)

- Tid: ca 4 timer