Rekordtal for gjestedøgn i september!

God auke i talet på gjestedøgn

For Sunnmøre er det ein solid vekst i september i høve til 2024, med 5 % auke frå utlandet og 1 % frå Norge.
I perioden januar til og med september ser vi ein auke på heile 8 % frå utlandet.

I Romsdal og Nordmøre er tala stabile frå utlandet i september i høve til 2024, men med ein imponerande auke på 10 % i norske gjestedøgn.
Totalt for Nordvest viser at det i perioden januar til september er ein auke på 6 % frå utlandet, og ein svak nedgang på 1 % frå Norge.

Ser vi Møre og Romsdal under eitt, viser september ein 5 % auke frå Norge og 3 % frå utlandet samanlikna med september i fjor.
Hittil i år har fylket 7 % auke frå utlandet og 1 % frå Norge.

56 % fleire utanlandske overnattingar enn i 2019

Samanlikna med september 2019 – siste normalår før pandemien – har Møre og Romsdal 56 % fleire utanlandske gjestedøgn i september 2025.
Medrekna norske gjestedøgn er det 50 000 fleire overnattingar enn i 2019. Dette viser at den felles satsinga på haustmarknadsføring verkeleg har gitt effekt.

USA størst – Storbritannia og Asia på veg opp

For hotellovernattingar åleine er no USA dobbelt så stort som Tyskland.
Vi ser også ein markant vekst frå Storbritannia, noko som truleg heng saman med den nye direkteruta med Norwegian til Ålesund.
Tyskland går noko ned på hotell, men held stand på camping og hytter.
Nederland er stabilt, medan Frankrike, Italia og fleire asiatiske marknader – som Kina, Taiwan og India – er på veg opp.
Australia viser også framgang.

Auka omsetning og stabil opphaldstid

Omsetninga hittil i år har auka både per overnatting og per gjest.
Opphaldstida er stabil, med ein svak auke blant norske gjester.